طلبہ میں ادبی ذوق پیدا کرنے کے لیے بیت بازی کا انعقاد

ندوۃ الطلبہ جامعہ امام ابن تیمیہ کے زیر اہتمام پہلا ثقافتی پروگرام بیت بازی کی شکل میں منعقد کیا گیا ۔ ساڑھے تین دہائیوں(35 سال) سے جامعہ میں باغ صحافت کی آبیاری کرنے والی شخصیت شیخ شکیل اثری حفظہ اللہ نے پروگرام کی صدارت فرمائی جبکہ حکم کی ذمہ داری شیخ فہیم جسیم الدین تیمی مدنی اور شیخ ثمامہ عمری مدنی نے نبھائی۔ طلبہ کو دو زمروں (گروپ الف اور گروپ ب) میں تقسیم کیا گیا۔ مقابلہ کی مدت ایک گھنٹہ کی تھی جس میں دونوں فریق کی طرف سے کل ڈیڑھ سو(150) اشعار پیش کیے گئے۔ مساوی نمبرات کے ساتھ مقابلہ برابری کا رہا۔ پروگرام کے اخیر میں شیخ فہیم جسیم الدین تیمی نے ” بیت بازی کی اہمیت و ضرورت اور اس کے تقاضے ” پر مختصرا روشنی ڈالی ۔ اس کے بعد صدر بزم کے صدارتی خطاب کے ساتھ پروگرام کے اختتام کا اعلان کیا گیا۔