مادرِ علمی جامعہ سلفیہ بنارس کی ترقی و خوشحالی کے لیے طلبہ کا کردار اہم ہے: افروز عالم ذکراللہ سلفی
بنارس: جامعہ سلفیہ بنارس کے سابق طالب علم افروز عالم ذکراللہ سلفی، گلری نے کہا کہ ہم میں سے اکثریت نے اپنے تعلیمی سفر میں کامیابی کے اس مقام تک پہنچنے کے لیے سخت محنت اور جدوجہد کی ہے۔ اس منزل کے حصول کے لیے طلبہ نے اپنی راتوں کی نیند قربان کی، برسوں تک محنت کی اور مسلسل امتحانات و پیپرز کی تیاری کی۔
انہوں نے کہا کہ جس مادرِ علمی نے ہمیں علم و تربیت سے آراستہ کیا، اس کے تئیں بھی ہماری ذمہ داری ہے کہ ہم اس کا خیال رکھیں اور اس کی ترقی و خوشحالی میں اپنا کردار ادا کریں۔ جامعہ سلفیہ بنارس صرف ایک تعلیمی ادارہ نہیں بلکہ ہزاروں طلبہ کے علمی و فکری سفر کا مرکز اور ان کی زندگیوں کی تعمیر کا اہم ذریعہ ہے۔
افروز عالم ذکراللہ سلفی نے تمام طلبہ کے لیے نیک خواہشات کا اظہار کرتے ہوئے کہا کہ اللہ تعالیٰ سبھی طلبہ کے عزائم کو بلند رکھے، انہیں دوگنی رات چوگنی ترقی عطا فرمائے اور ان کے مستقبل کو تابناک و روشن بنائے۔
انہوں نے دعا کی کہ مادرِ علمی جامعہ سلفیہ بنارس ہمیشہ شاد و آباد رہے، اس کی علمی خدمات کا سلسلہ جاری رہے اور وہ آنے والی نسلوں کی علمی و اخلاقی تربیت میں اپنا کردار ادا کرتا رہے۔
آخر میں انہوں نے اللہ تعالیٰ سے دعا کرتے ہوئے کہا:
"اے اللہ! تمام طلبہ کو کامیابی، عزت اور روشن مستقبل عطا فرما اور مادرِ علمی جامعہ سلفیہ بنارس کو ہمیشہ ترقی و خوشحالی عطا فرما۔ آمین، تقبل یا رب العالمین۔”
(اصل تحریر مندرجہ ذٰیل ہے)
ہم میں سے اکثریت نے صرف اس منظر کو دیکھا ہی نہیں بلکہ اس کے لیے تن من دھن کی بازی لگائی ہے، راتوں کی نیند کو قربان کیا ہے، برسوں کا پیپر حل کیا ہے۔
