انڈین یونین مسلم لیگ کے اراکین پارلیمان نے جنتر منتر کے احتجاجی مقام کا دورہ کرکے طلباء کے ساتھ یکجہتی کا اظہار کیا
نئی دہلی۔(پریس ریلیز)۔انڈین یونین مسلم لیگ (آئی یو ایم ایل ) کے ممبران پارلیمنٹ ای ٹی۔ محمد بشیر، ڈاکٹر ایم پی۔ عبدالصمد صمدانی، عبدالوہاب، کے نواز غنی ، ایڈووکیٹ حارث بیران ،پریما چندرن ایم پی اور جارج فرانسس ایم پی نے 21 جولائی کو جنتر منتر کے احتجاجی مقام کا دورہ کیا اور بار بار امتحانی پیپر لیک ہونے اور منصفانہ اور شفاف طریقے سے امتحانات کے انعقاد میں مرکزی حکومت کی مبینہ ناکامی کے خلاف احتجاج کرنے والے طلباء کے ساتھ یکجہتی کا اظہار کیا۔اراکین پارلیمنٹ نے طلباء سے بات چیت کی اور ان کے احتساب کے مطالبے ، بشمول مرکزی وزیر تعلیم کے استعفیٰ کی حمایت کی، یہ کہتے ہوئے کہ بار بار ہونے والے لیکس نے لاکھوں طلباء کے مستقبل کو بری طرح متاثر کیا ہے اور امتحانی نظام پر عوام کا اعتماد ختم ہو گیا ہے۔
