Education تعلیم

مدرسہ اصلاح معاشرہ علی گڑھ میں عرس قاسمی کا انعقاد

علی گڑھ(پی ایم ڈبلیو نیوز) مدرسہ اصلاح معاشرہ تعلیم آباد علی گڑھ میں مجدد برکاتیت حضرت سید شاہ محمد اسماعیل حسن مارہروی علیہ الرحمہ کی یاد میں محفل کا انعقاد ہوا .نعت ومنقبت  محمد انس اور معروف ثناء خوان مولانا سید اوصاف علی مجددی نے پیش کیے. مولانا ضیاء الرحمن امجدی نے نظامت کی ذمہ داری نبھائی. مولانا غلام مرسلین اشرفی شیخ الکاملین عارف باللہ، فنا فی الرسول حضرت  سید ابوالقاسم شاہ اسماعیل حسن مارہروی(شاہ جی میاں) رحمۃ اللہ علیہ  کی مختصر سیرت و خصائص بیان کرتے ہوئے کہا کہ آپ خاندانِ برکات کے ایسے نورانی چراغ ہیں، جس کے انوار سے ایک عالم منور ہوا۔ جس وقت حضرت سیدنا شاہ ابو القاسم شاہ جی میاں مسند سجادگی پر رونق افروز ہوئے اس وقت آپ کو کئی سلاسل کی اجازت حاصل تھی لیکن سلسلہ قادریہ سے آپ کو خاندانی روایت کے مطابق بڑا گہرا لگاؤ تھا، اس لئے آپ نے اسی سلسلے کو فروغ بخشا، اسی کے فیوض و برکات سے مریدین و متوسلین کو مالا مال کیا اور رات دن اسی سلسلے کے ذریعے دین اسلام کی تبلیغ میں جدو جہد فرائی۔بےشمار علما و مشائخ کو اسی سلسلے میں مرید کیا اور خلافت کی دولت سے بے بہا سرفراز فرمایا. مزید انہوں نے کہا کہ حضرت شاہ جی میاں اصولوں کے بہت پکے تھے۔غلط باتوں پر ہر ایک کی سرزنش کرتے۔ آپ صرف گوشہ نشین صوفی نہ تھے، بلکہ ملکی وبین الاقوامی حالات ومعاملات پر آپ کی خوب نظر تھی جب بھی سنیت کے خلاف کوئی مضمون وغیرہ اخبارات و رسائل میں شائع ہوتا تو فوراً نوٹس لیتے۔ مصروفیات سے وقت بچا کر دینی کتب کے مطالعے میں مشغول رہتے تھے۔آپ کا روضہ مبارک مارہرہ مطہرہ میں ہے.دعا سے محفل اختتام پذیر ہوئی. اس موقع پر مدرسہ اصلاح معاشرہ تعلیم آباد کے اساتذہ اور طلباء موجود تھے

Related posts

کیرالہ دھماکے کے بعد دہلی میں ہائی الرٹ جاری، تمام گرجا گھروں کی سیکورٹی بڑھانے کی ہدایات

paigammw.com

کیرالہ کے ڈی جی پی شیخ درویش نے بتایا کہ ‘ابتدائی تفتیش سے پتہ چلا کہ آئی ای ڈی ڈیوائس کا استعمال کیا گیا تھا’۔

paigammw.com

پروفیسر ڈاکٹر عبد القوی نے اسٹیٹ تکمیل الطب کالج اینڈ ہاسپٹل لکھنؤ کے پرنسپل کے عہدے پر فائز ۔ کالج  پہنچکر ذمہ داری سنبھالی

Paigam Madre Watan

Leave a Comment