Education تعلیم

اردو یونیورسٹی کے دو روزہ ورکشاپ کا افتتاح

حیدرآباد، (پی ایم ڈبلیو نیوز) مولانا آزاد نیشنل اردو یونیورسٹی کے مرکز پیشہ ورانہ فروغ برائے اساتذہ اردو ذریعہ تعلیم کی جانب سے شہرِ ناندیڑ، مہاراشٹر میں دو روزہ ورکشاپ بعنوان ”اختراعی طریقہ ¿ تدریس“ کا آج افتتاح عمل میں آیا۔ ناندیڑ کے اردو گھر میں منعقدہ اس ورکشاپ میں 50 سے زائد اساتذہ جن کا تعلق ضلع بھر کے مختلف اردو میڈیم اسکولوں سے ہے پرنسپل DIET اور پرائمری ایجوکیشن آفیسر ضلع پریشد ناندیڑ کی اجازت سے شریک ہو رہے ہیں۔ افتتاحی اجلاس میں شہر کے فیض العلوم اردو ہائی اسکول کے موظف اساتذہ اظہر مختار، محمد عظیم الدین، مفتی ظہیر الدیں، خلیل احمد،ظفر اللہ خان ، اختر صادق، شیخ عقیل اور اسداللہ خان کو اردو ذریعہ تعلیم میں ان کی گراں قدر خدمات کے لیے تہنیت پیش کی گئی۔ پروفیسر سعد الدین اور ڈاکٹر جیوت سنا دھوتمل نے مہمانانِ اعزازی کے طور پر شرکا کو تربیتی پروگرام کی اہمیت اور افادیت سے روشناس کرایا۔ ورکشاپ کے پہلے دن پروفیسر عبد السمیع صدیقی، ڈاکٹر مصباح انظر، ڈاکٹر جرّار احمد اور خواجہ معین الدین نے تکنیکی اجلاسوں میں مختلف طریقہ ہائے تدریس کے حوالے سے سیر حاصل گفتگو کی۔

Related posts

مانو میںمؤثر تدریسی تکنیک پر دو روزہ ورکشاپ

Paigam Madre Watan

سید انعام الرحمن کوٹرانسلیشن اسٹڈیز میں پی ایچ ڈی

Paigam Madre Watan

مولانا مظہر الحق یونیورسٹی،پٹنہ میں عالمی معیار کی لائبریری قائم ہوگی؍پروفیسر محمد عالمگیر

Paigam Madre Watan

Leave a Comment