’ہندوستان کا آئین تمام آئینوں میں سب سے بہتر‘
لکھنؤ(پی ایم ڈبلیو نیوز)مدرسہ ایمانیہ للبنات خالہ بازار لکھنؤ میں یوم جمہوریہ جوش وخروش سے منایایاگیا۔جامعہ کی پرنسپل نے پرچم کشائی کرتے ہوئے یوم جمہوریہ کی اہمیت اوراس کی مختصر تاریخ پر روشنی ڈالی۔انہوں نے مزید کہا کہ ہندوستان کا آئین دنیا کے تمام ملکوں کے آئین میں سب سے بہترہے،جہاں ہرشہری کو برابرکے حقوق حاصل ہیں۔ معلومات کی کمی وجہ سے آئین کی افادیت اوراس کے اثر سے عوام محروم ہیں۔ملک آزاد ہونے کے ڈھائی تین سال کے بعد یہاں کا آئین اور قانون بنا، اور 26؍ جنوری 1950 ء کو یہاں کا آئین نافذ ہوا۔ اس ملک کا دستور،قانون اور آئین بہت ہی اچھوتا نرالا اور مضبوط و مستحکم ہے، جس میں ہر فرقہ اور سماج ، مذہب، ذات اور برادری کی رعایت کی گئی ہے، اور ہر ایک کو مناسب حق دیا گیا ہے، جس کی مثال دوسری جگہ اور دوسرے ملکوں میں کم ہے۔ ا س موقع پر طالبات نے ثقافتی پروگرام اورقومی نغمے پیش کئے۔
