National قومی خبریں

مدرسہ افضل العلوم نگرام میں منایا گیا یوم جمہوریہ

لکھنؤ؍نگرام(پی ایم ڈبلیو نیوز)مدرسہ افضل العلوم نگرام لکھنؤ میں جشن یوم جمہوریہ نہایت تزک واحتشام کے ساتھ طلباء و طالبات نے روایتی انداز میںپورے جوش وخروش کے ساتھ منایا۔اس موقع پر طلباء نے شہدائے وطن اوردستورساز کمیٹی کے ممبران کو خراج عقیدت پیش کرتے ہوئے مختلف انداز میں تہذیبی وثقافتی پروگرام پیش کرکے ملک کی جمہوریت پر روشنی ڈالی۔
اس موقع پر مدرسہ کے ناظم مولانا محمدفیضان نگرامی ندوی کے وہاٹس ایپ پیغام کو طلباء کے سامنے پڑھ کر سنایاگیا جس میں لکھاتھا، ’بابا صاحب ڈاکٹر بھیم راؤ امبیڈکر نے جو آئین ہم کو دیا اس میں ہر شہری کو مساوی حقوق دئیے گئے ہیں، ہمارا ملک اسی آئین کے مطابق چلتاہے۔ہر ہندوستانی کو اس کااحترام اوراس کی بالادستی کیلئے ہرطرح کی کوشش کرنی چاہئے اور ہر ملکی باشندے کو اس سے واقف کرانا ہمارے تعلیمی اداروں اور اساتذہ کا فریضہ ہونا چاہیے بلکہ دیگر مضامین کی طرح اس کو بحیثیت مستقل مضمون شامل نصاب کرنے پر غور کرنا چاہیے۔
ہمارے اسلاف نے متحد ہو کر اس ملک کی آزادی اور تعمیر وترقی کیلئے بے مثال قربانیاں دی ہیں، ہمیں بھی اس کے مطابق ملک کے امن وشانتی اور بھائی چارہ کو مضبوط بنائے رکھنے میں اپنا بھرپور تعاون کرنا چاہئے۔اس موقع پرمدرسہ کے مہتمم مولانا مفتی نثاراحمدندوی اوراساتذہ خاص طور پرمولانا وصی صاحب، مفتی اظہر صاحب اور حافظ محسن صاحب کے علاوہ طلباء اور ان کے سرپرست خاص طور سے موجود رہے۔

Related posts

Asaduddin Owaisi is feeling uneasy about the prospect of not emerging victorious.

Paigam Madre Watan

آہ استاذ محترم شیخ عبید اللہ طیب مکی آج بتاریخ 21فروری 2024 کو انتقال کرگئے

Paigam Madre Watan

سوشیل ڈیموکریٹک پارٹی آف انڈیا کی جھارکھنڈ ریاستی ورکنگ کمیٹی تشکیل

Paigam Madre Watan

Leave a Comment