مرکزی جمعیت اہل حدیث ہند کی مرکزی اہل حدیث رؤیت ہلال کمیٹی دہلی سے جاری اخباری بیان کے مطابق آج مورخہ۲۹/رمضان المبارک ۱۴۴۵ھ مطابق۹ ؍اپریل۲۰۲۴ء بروز منگل بعد نماز مغرب اہل حدیث کمپلیکس ، اوکھلا، نئی دہلی میں مرکزی اہل حدیث رؤیت ہلال کمیٹی دہلی کی ایک اہم میٹنگ منعقد ہوئی اور رؤیت ہلال ماہ ِشوال ۱۴۴۵ھ کے سلسلے میں حسب سابق ملک کے اکثر صوبوں کے ذمہ داروں اور ملی تنظیموں سے بذریعہ فون رابطے کیے گئے۔ لیکن اکثر مقامات پرمطلع صاف ہونے کے باوجود کہیں سے بھی رؤیت ہلال کی مصدقہ و مستند خبر موصول نہیں ہوئی۔ بنابریں مرکزی اہل حد یث رؤیت ہلال کمیٹی دہلی نے یہ فیصلہ کیا کہ آئندہ کل مورخہ۱۰؍اپریل۲۰۲۴ء کو ماہ رمضان المبارک کی تیسویں تاریخ ہوگی اور مورخہ ۱۱؍اپریل ۲۰۲۴ء،جمعرات کو عید الفطر کی نماز ادا کی جائے گی۔ ان شاء اللہ
ماہ شوال ۱۴۴۵ھ کاچاند نظرنہیں آیا
