مالیگاؤ ں , بتاریخ 24 اگست 2024 کو مولانا مختار احمد ندوی ٹیکنیکل کیمپس (ایم ایم اے این ٹی سی) مالیگاؤں کے شعبہ سول انجینئرنگ نے کامیابی کے ساتھ "اسپاٹ لائٹ پرفارمنس” ایونٹ کا انعقاد کیا، جو خاص طور پر طالبات کے لیے تھا۔ اس پروگرام میں مختلف پرفارمنسز شامل تھیں، جیسے شاعری، غزل، اسٹینڈ اپ، اصل مواد، ہزل، اور ڈرامہ وغیرہ۔ اس پروگرام میں کل 29 طلبات نے شرکت کی اور پرجوش سامعین کے سامنے اپنی صلاحیتوں کا مظاہرہ کیا۔ پروگرام بخوبی منعقد ہواور حاضرین محفل سے مثبت تاثرات موصول ہوئے۔ ایم ایم اے این ٹی سی کے پرنسپل ڈگری ڈاکٹر شاہ عقیل احمد، پرنسپل پولی ٹیکنک ڈاکٹر محمد اظہر، ڈین اکیڈمکس ڈاکٹر سلمان بیگ، ڈین ریسرچ ڈاکٹر نوید حسین اور ڈین ٹریننگ اینڈ پلیسمنٹ ڈاکٹر عاصف رسول نے اس موقع کی زینت بنائی۔ انہوں نے طلبات کی تخلیقی صلاحیتوں کو سراہا اور ان کی حوصلہ افزائی کی کہ وہ اپنی دلچسپیوں کو جاری رکھیں۔ اس پروگرام نے نہ صرف طلبات کی صلاحیتوں کو اجاگر کیا بلکہ ان کی ذاتی اور تعلیمی ترقی میں بھی اہم کردار ادا کیا۔ پروگرام کے کامیاب انعقاد کے لیے پروفیسر سید شمس نے کوآرڈینیٹر کے طور پر اور پروفیسر مصباح کوثر نے کوکوآرڈینیٹر کے طور پر خدمات انجام دیں۔ اس پروگرام کی نظامت محترمہ شمس جہاں نے کی۔ طلبات کی حوصلہ افزائی میں پرنسپل اور ہیڈ آف ڈپارٹمنٹ ک نے اہم کردار ادا کئے۔ وہیں چیئرمن اور سیکریٹری صاحبان نے بھی طلبات کی اس سرگرمی میں شرکت اور کارکردگی کو سراہا۔
ایم ایم اے این ٹی سی میں شعبہ سول انجیئنرنگ کے زیر اہتمام "اسپاٹ لائٹ پرفارمنس” ایونٹ کی کامیاب میزبانی
