مالیگاؤں (پریس ریلیز) ریاست مہاراشٹر کی تمام انجینئرنگ و فارمیسی ڈگری کالجوں میں داخلے MHT-CET 2025کی بناء پر ہی ہوتے ہیں۔ چار سالہ انجینئرنگ و فارمیسی ڈگری کورسیس کے سال اول میں داخلے کیلئے اس امتحان کو دینا لازمی ہے۔ اس امتحان کو دینے قبل آن لائن طریقہ کار سے رجسٹریشن کیا جاتا ہے۔ جس کی آخری تاریخ 15 ، فروری 2025 ہے اور فارم نہ بھرنے کی صورت میں کسی بھی طریقہ سے داخلے ممکن نہیں ہوتے ہیں۔ اسی لئے طلبہ و سرپرست حضرات قبل از وقت MHT-CET کیلئے آن لائن رجسٹریشن ضرور کر والیں۔ آن لائن رجسٹریشن کیلئے ضروری ہدایات میں طلبہ کے پاس ” ای میل آئی ڈی اور اکٹیو موبائیل نمبر ( جس پر ریچارج کیا ہو) ” رہنا ضروری ہے۔ دستاویزات میں اوریجنل آدھار کارڈ، دسویں مارکس شیٹ، بارہویں مارکس شیٹ( بارہویں کامیاب ) ، اوبی سی ( ریزرو کٹیگری کیلئے) رجسٹریشن کیلئے ضروری ہے۔ اس طرح سے پاسپورٹ سائز فوٹو اور ڈیجیٹل سائن اپلوڈ کرنا ضروری ہے۔ کسی بھی ایک گروپ PCM / PCB میں رجسٹریشن کیلئے درکار آن لائن فیس، اوپن کٹیگری کیلئے Rs 1000/- ، ریزرو کٹیگری (او بی سی وغیرہ) کیلئےRs 800/- کے ساتھ تقریباً دس سے بائیس روپیہ آن لائن ٹیکس دینا پڑے گا۔ اگر دو گروپ یعنی PCMB میں فارم بھرا جاتا ہے تو اسے اوپن کٹیگری میں Rs 2000 /- ،ریزرو کٹیگری میں Rs 1600/-فیس بھرنا پڑے گی۔ واضح رہے انجینئرنگ کورسیس کیلئے PCMگروپ میں سی ای ٹی امتحان دینا ضروری ہے۔ مولانا مختار احمد ندوی ٹیکنیکل کیمپس (منصورہ، مالیگاؤں) میں قائم سی ای ٹی سیل کے زیر اہتمام آن لائن رجسٹریشن اور گائیڈنس کیلئے مفت سہولیات فراہم کی جا رہی ہے۔ طلبہ و سرپرست حضرات سے گزارش ہے کہ منصورہ انجینئرنگ کالج تشریف لائیں اور اس سے استفادہ کریں۔ مزید معلومات کیلئے ایڈمیشن سیل کے ذمہ داران سے رابطہ قائم کریں۔ پروفیسر سعود محوی(9028254531)، ڈاکٹر ساجد نعیم (9028254518)، ڈاکٹر دلاور حسین (9028254549)۔
انجینئرنگ کے مختلف شعبو ں میں داخلے کیلئے MHT-CET 2024دینا لازمی
