لکھنؤ (پی ایم ڈبلیو نیوز) نومبر اسٹیٹ تکمیل الطب کالج اینڈ ہاسپٹل لکھنؤ میں آٹھواں یوم آیروید کے تحت 29ستمبر سے 10نومبر 2023 تک چلنے والے یونانی اور آیروید بیداری پروگرام کے تحت یو ۔جی اور پی۔ جی طلباء وطالبات کا مضمون نویسی کا مقابلہ زیر عنوان ؛آیرویداور یونانی میں موسم کی اہمیت ؛ پر منعقد ہوا ۔۔ اسکے بعد ادویاتی پودوں کے ساتھ ، رن فار آیروید و یونانی کا اہتمام کیا گیا۔ جسمیں کالج کے طلباء وطالبات نے ادویاتی پودوں کے ساتھ مارچ کیا۔ پودوں کی افادیت سے عوام کو روشناس بھی کیا ۔۔ رن فار یونانی و آیروید مارچ کو علاقے کی سبھاسد رجنی یادو کے شوہر سماجی رہنما جناب پرمود یادو و کالج کے پرنسپل پروفیسر نفاست علی انصاری نے ہری جھنڈی دکھا کر کیا ۔ اس موقع پر ہاسپٹل انچارج پروفیسر عبد القوی ، ڈاکٹر عبد الملک ، ڈاکٹر عبد الخالق ، ڈاکٹر محمد عمران خان ، کنویئر ڈاکٹر منی رام سنگھ ، محمد اقبال و مولانا آزاد میموریل اکادمی کے جنرل سیکرٹری اتھیکس کمیٹی کے رکن ڈاکٹر عبد القدوس ہاشمی و علاقہ کے معززین کے علاوہ طلباء وطالبات کی کثیر تعداد نے حصہ لیا ۔ سماجی کارکن پرمود یادو نے کالج کے اطراف کی تزئین کاری ، یونانی کالج کی ترقی کے لیئے اپنی جانب سے تعاون کا بھی یقین دلایا ۔کنوینر پروگرام نے تمام شرکاء کا شکریہ ادا کیا ۔
ادویاتی پودوں کے ساتھ تکمیل الطب کالج نے ؛ رن فار یونانی اور آیروید کا اہتمام کیا
