نئی دہلی: مرکزی جمعیت اہل حدیث ہند کی مرکزی اہل حدیث رؤیت ہلال کمیٹی دہلی سے جاری اخباری بیان کے مطابق آج مورخہ۲۹/ ذو الحجہ۱۴۴۵ھ مطابق ۶ ؍ جولائی ۲۰۲۴ء بروزہفتہ بعد نماز مغرب اہل حدیث کمپلیکس ، اوکھلا، نئی دہلی میں مرکزی اہل حدیث رؤیت ہلال کمیٹی دہلی کی ایک اہم میٹنگ منعقد ہوئی اور رؤیت ہلال ماہِ محرم الحرام۶ ۱۴۴ھ کے سلسلے میں حسب سابق ملک کے اکثر صوبوں کے ذمہ داروں اور ملی تنظیموں سے بذریعہ فون رابطے کیے گئے۔ مگر ملک کے اکثر حصے میں مطلع ابرآلودہونے کے سبب کسی بھی صوبہ سے رؤیت ہلال کی مصدقہ و مستند خبر موصول نہیں ہوئی۔ بنابریں مرکزی اہل حد یث رؤیت ہلال کمیٹی دہلی نے یہ فیصلہ کیا ہے کہ آئندہ کل بروز اتوار ذو الحجہ کی ۳۰؍ویں تاریخ ہوگی اور مورخہ ۸؍جولائی،سوموار کو محرم الحرام کی پہلی تاریخ ہوگی۔ ان شاء اللہ
ماہ محرم الحرام۱۴۴۶ھ کا چاندنظر نہیں آیا
