مالیگاؤں (پریس) ریاست مہاراشٹر کے تمام انجینئرنگ کالجوں میں خالی جگہوں پر داخلے کی آخری تاریخ بڑھ گئی ہے ۔ واضح رہے انجینئرنگ کورسیس میں داخلے لینے کیلئے خالی جگہوں اور مینجمنٹ کوٹہ پر داخلے کی آخری تاریخ 15 ستمبر 2024 ہے۔ اس کے بعد پوری ریاست میں انجینئرنگ کورسیس میں داخلے بند ہو جائیں گے۔ جن طلبہ کا نمبر میرٹ کی بنیاد پر یا کسی اور وجوہات کی بناء پر ممکن نہیں ہو سکا ۔ ایسے طلبہ اس موقع کا فائدہ اٹھائیں ۔واضح رہے ریاست مہاراشٹر کی معروف اقلیتی انجینئرنگ کالج بنام مولانا مختار احمد ندوی ٹیکنیکل کیمپس ( منصورہ ، مالیگاؤں ) میں انجینئرنگ کی مختلف برانچوں میں کچھ سیٹیں ابھی خالی ہیں۔ جس میں کمپیوٹرانجینئرنگ، الیکٹرانکس اینڈ ٹیلی کمیونی کیشن انجینئرنگ، الیکٹرایکل انجینئرنگ، میکانیکل انجینئرنگ اورسول انجینئرنگ شامل ہیں۔ چونکہ ادارے کا شمار مائیناریٹی درجہ میں آتا ہے اسی وجہ سے مسلم طلبہ کیلئے یہاں خصوصی کوٹہ موجود ہے۔ اسی لئے مسلم طلبہ و سرپرست حضرات سے گذارش ہے کہ اس موقع استفاد کریں۔ ولانا مختار احمد ندوی ٹیکنیکل کیمپس کی نمایاں تعلیمی کارکردگیوں میں طلبہ کے یونیورسٹی لیل پر گولڈ میڈلس حاصل کئے۔ اس کے علاوہ ہر سال طلبہ کیلئے کیمپس پلیسمنٹ اور انٹرنشپ فراہم کی جاتی ہے۔ ہر شعبہ انجینئرنگ میں ڈاکٹریٹ اسٹاف ( آئی آئی ٹی، این آئی ٹی، جامعہ ملیہ اسلامیہ، علی گڑھ مسلم یونیورسٹی و دیگر معروف تعلیمی اداروں سے فارغ) تدریسی خدمات انجام دے رہے ہیں۔ کالج کی نمایاں خصوصیات میں معیاری تعلیمی نظام، مناسب فیس، اقلیتی اسکالرشپ، 20 سے زائد جدید مشینوں سے لیس لیباریٹریز، گرین کیمپس، عبادت گاہ، ہاسٹل و میز اور دیگر سہلولیات موجود ہیں۔
انجینئرنگ ڈگری کورسیس میں داخلے کی آخری تاریخ 15 ستمبر
