جیسا کہ آپ حضرات کو بخوبی معلوم ہے کہ ضلع روتہٹ کے پروہا نگر پالیکا وارڈ نمبر (8)’ نرکٹیا’ بستی میں ایک صوبائی تبلیغی اجتماع کی تیاریاں بڑی ہی زور وشور پر تھی؛مگر نیپال حکومت نے چند دنوں قبل اجتماع کے انعقاد پر سخت پابندی عائد کردیا ہے۔ جس سے مسلمان چیں بہ جبیں ہونے کے ساتھ نا اُمیدی و مایوسی اور ہراس کے شکار ہیں ۔ کیوں کہ نیپال میں اب تک دینی اجتماع کے انعقاد پر حکومت کی جانب سے کبھی بھی کسی طرح کی کوئی پابندی عائد نہیں ہوئی تھی۔ اسی تناظر میں: یعنی حکومتی پابندی اور تبلیغی اجتماع کے انعقاد پر غور وفکر کی خاطر جمعیت علماء روتہٹ نیپال کے اصحاب: حضرت مولانا محمد خیر الدین صاحب مظاہری (جنرل سکریٹری جمعیت علماء روتہٹ نیپال) مولانا انوارالحق قاسمی (ترجمان جمعیت علماء روتہٹ نیپال) نے علماء کرام،دعاة عظام اور دانشورانِ ملت کی ایک اہم میٹنگ 13/جنوری 2025ء مطابق 12/رجب المرجب 1446ھ 29/گتے پوس بکرمی، سوموار کو، بعد نماز ظہر ‘راجپور ڈبڑا والی مسجد ‘میں رکھی ہے۔ جس میں روتہٹ کے جمعیت علماء نیپال کے مرکزی ذمے داران ،جمعیت علماء روتہٹ نیپال کے ذمے داران و جملہ ارکان،مدارس اسلامیہ ضلع روتہٹ کے نظما و صدور، تبلیغی جماعت ضلع روتہٹ کے جملہ حلقوں کے امرا اور دعوتی احباب سے شرکت کی خصوصی درخواست ہے۔
نیپال صوبائی تبلیغی اجتماع پر حکومتی پابندی کے تناظر میں جمعیت علماء روتہٹ نیپال کی خصوصی میٹنگ 13/جنوری کو منعقد ہوگی!
