جہاں تک کام چلتا ہو غذا سے
وہاں تک چاہیے بچنا دوا سے
اگر خون کم بنے، بلغم زیادہ
تو کھا گاجر، چنے، شلجم زیادہ
جگر کے بل پہ ہے انسان جیتا
ضعفِ جگر ہے تو کھا پپیتا
جگر میں ہو اگر گرمی کا احساس
مربہ آملہ کھا یا اناناس
اگر ہوتی ہے معدہ میں گرانی
تو پی لے سونف یا ادرک کا پانی
تھکن سے ہو اگر عضلات ڈھیلے
تو فوراً دودھ گرما گرم پی لے
جو دکھتا ہو گلا نزلے کے مارے
تو کر نمکین پانی کے غرارے
اگر ہو درد سے دانتوں سے بے کل
تو انگلی سے مسوڑوں پر نمک مل
جو طاقت میں کمی ہوتی ہو محسوس
تو مصری کی ڈلی ملتان کی چوس
شفا چاہیے اگر کھانسی سے جلدی
تو پی لے دودھ میں تھوڑی سی ہلدی
دمہ میں یہ غذا بے شک ہے اچھی
کھٹائی چھوڑ کھا دریا کی مچھلی
اگر تمہیں لگے جاڑے میں ٹھنڈی
تو استعمال کر انڈے کی زردی
جو بدہضمی میں چاہے تو افاقہ
تو دو ایک وقت کا کر لے تو فاقہ
جہاں تک کام چلتا ہو غذا سے
