تمام تعلیمی ادارے قومی یوم تعلیم کا انعقاد کرکے مولانا آزاد کو خراج عقیدت پیش کریں ۔ عبد القدوس ہاشمی ۔
لکھنؤ (پی ایم ڈبلیو نیوز) مولانا آزاد میموریل اکادمی لکھنؤ کی جانب سے ملک پہلے وزیرِ تعلیم ، مجاہد آزادی ، بھارت رتن امام الہند مولانا ابوالکلام آزاد کی 136 ویں یوم پیدائش ( قومی یوم تعلیم) کے کی موقع پر ؛ آزادی کے بعد قومی تعمیر : مولانا آزاد کی حکمت عملی اور پالیسیاں ؛ کے موضوع پر قومی سطح پر ایک ویبینار کا اہتمام اکادمی کی جانب سے دن میں 11 بجے کیا گیا ہے۔ جو فیس بک براہ راست نشر ہوگا ۔ اس ویبینار میں ملک کی مذہبی ، سماجی ، ادبی ،و علمی شخصیات میں اسلامک سنٹر آف انڈیا کے صدر امام عیدگاہ مولانا خالد رشید فرنگی محلی ، ماہر ابوالکلامیات وسابق شعبہ صدر اردو رانچی یونورسٹی پروفیسر جمشید قمر ، علی گڑھ مسلم یونی ورسٹی شعبہ صحافت کے صدر ادیب و ناقد کالمسٹ پروفیسر شافع قدوائی ، بابا صاحب بھیم راؤ امبیڈکر یونیورسٹی کے شعبہ سماجی علوم کے صدر پروفیسر رودر پرساد ساہو ، اسی یونورسٹی کے شعبہ تعلیم کے ایسوسیٹ پروفیسر ڈاکٹر راج سرن شاہی و شعبہ قانون کی ایسوسیٹ پروفیسر ڈاکٹر صوفیہ احمد ، ٹیکنو کالج کے شعبہ صدر پروفیسر محمد اسامہ ، اکادمی کے صدر سینیر صحافی شارق علوی صاحبان اس موضوع پر روشنی ڈالیں گے ۔جنرل سیکریٹری ڈاکٹر عبد القدوس ہاشمی نے تمام ، مدارس تعلیمی ،تکنیکی ، سماجی و سیاسی اداروں کے ذمہ داروں سے کہا ہے کہ وہ 11نومبر کو یوم تعلیم کے موقع پر تعلیمی ، ادبی ، ثقافتی و اصلاحی پروگرام کا انعقاد کریں ۔ملک کو آزاد کرانے سے لیکر ہندوستان کی تعمیر نو میں مولانا آزاد کی قربانیوں و انکی دس سالہ تعلمی وزارت ،تغلیمی پالیسی ، ادارہ سازی ، ساینسی ، تکنیکی ، زراعت ، و معاشی ترقی میں انکی حکمت عملیوں اور انکی پالیسیوں کا بڑا دخل تھا جس سے ملک ترقی پر گامزن ہوا ۔ انکی شخصیت وملک کے لیے انکی خدمات کو موجودہ نسل کو بتانے کی ضرورت ہے ۔ انھوں نے کہا دیوالی کی چھٹی کے سبب جن اداروں میں تعطیل ہو ، کھلنے پرقومی یوم تعلیم کا انعقاد کر مولانا آزاد کو خراج عقیدت پیش کریں ۔
