Delhi دہلی

اسٹیٹ تکمیل الطب کالج،لکھنؤ میں جشن یوم یونانی 2024کا انعقاد

ہندوستان کے طبی اداروں میں اسٹیٹ تکمیل الطب کالج، لکھنؤ کو اولیت و مرکزیت حاصل ہے۔ سال گذشتہ کی طرح امسال بھی حکومت ہند کی ہدایت کے مطابق جشن یوم یونانی کے تعلق سے اسٹیٹ تکمیل الطب کالج وہسپتال میں سات روزہ پروگرام کا انعقاد کیا گیا۔سات روزہ جشن یوم یونانی کی افتتاحی تقریب کاآغاز آج مؤرخہ ۸؍فروری ۲۰۲۴ء بروز جمعرات پروفیسرڈاکٹر عبد الوحید ڈائریکٹر یونانی سروسزاتر پردیش کی صدارت میں ہوا۔ پروفیسر عبد الوحید نے کہا کہ حکیم اجمل خان نے طب یونانی کے تعلق سے جو خواب دیکھا تھا آج وہ شرمندہ تعبیر ہوتا ہوا نظر آرہا ہے۔اترپردیش میں طب یونانی کے فروغ و ترقی کے لئے حکومت اترپردیش نمایاں کردار ادا کر رہی ہے۔ حکیم اجمل خاں نے ریسرچ و تحقیق کی جو شروعات کی تھی وہ آج شرمندہ تعبیر ہو رہا ہے۔ آج اسٹیٹ تکمیل الطب کالج،لکھنؤ حکومت اتر پردیش کی تعاون سے طب یونانی کے اندر ریسرچ و تحقیق کی نئی بلندیاں چھو رہا ہے۔ ہیلتھ منسٹر جناب ڈاکٹر دیاشنکر مشرا ’’دیالو‘‘ کی ذاتی دلچسپی اور کوششوں سے ریسرچ و تحقیق کے میدان میں مختلف پروجکٹ کی منظوری حاصل ہو چکی ہے اس موقع پر اسٹیٹ تکمیل الطب کالج،لکھنؤ کے سابق پرنسپل اور شہر لکھنؤ کے معروف طبیب حکیم احتشام الحق نے مہمان خصوصی کی حیثیت سے شریک ہوکر اپنے خیالات کا اظہار کیا۔ حکیم قریشی نے طب یونانی کی تاریخی عظمت کو بیان کرتے ہوئے خاندان شریفی اور خاندان عزیزی کے امتیازات پر تفصیلی سے روشنی ڈالا۔واضح رہے کہ موجودہ کالج کاتعمیری سلسلہ حکیم موصوف کی محنتوں و کوششوں سے انجام پایا۔پروفیسر حکیم ارشد علی نے مہمان اعزازی کی حیثیت سے شرکت فرما کر طلبا کو اپنے قیمتی مشورے سے نوازا۔ جناب عبد القدوس جنرل سکریٹری مولاناآزاد میموریل اکیڈمی ،لکھنؤ نے بھی حکیم اجمل خاں کی خدمات پر روشنی ڈالی۔ اس پروگرام کے روح روان اور کالج کے پرنسپل پروفیسر حکیم عبد القوی نے جشن یوم یونانی کی ضرورت و اہمیت اور مسیح الملک حکیم اجمل خان کی قربانیوں و طبی خدمات پر تفصیلی روشنی ڈالی اور پروگرام میں شریک مہمانان گرامی ، اساتذہ اور طلبا کا شکریہ ادا کیا۔ نظامت کے فرائض ڈاکٹر رخشندہ بیگ نے انجام دیئے۔ پروگرام کی انتظامی ذمہ داریوں کے فرائض ڈاکٹر شمیم ارشاد ، ڈاکٹر رخشندہ بیگ اور ڈاکٹر عبد الخالق نے کالج کے اساتذہ و طلبا کے تعاون سے انجام دیئے ۔ افتتاحی تقریب کے بعد یوجی اینڈ پی جی کے طلبا نے پاور پاؤنٹ کمپٹیشن میں حصہ لیا۔ پروگرام کی اساتذہ ،طلبا کے علاوہ غیر تدریسی عملہ نے بھی بڑھ چڑھ کر حصہ لیا۔

Related posts

وزیر اعلیٰ یاترا اسکیم کے تحت 85ویں ٹرین چار دھاموں میں سے ایک رامیشورم کے لیے روانہ ہوئی، ریونیو منسٹر آتشی نے یاتریوں سے ملاقات کی

Paigam Madre Watan

نئی دہلی کے سنگریلا یوروز ہوٹل میں آل انڈیا مہیلا امپاورمنٹ پارٹی کی جانب سے منعقدہ ’ناری شکتی ‘ پروگرام میں ،پارٹی کی بانیہ و کل ہند صداور درجنوں فلاحی اداروں و ہیرا گروپ آف کمپنیز کی سی ای او عالمہ ڈاکٹر نوہیرا شیخ کے بدست ایوارڈ حاصل کرتے ہوئے شعیب الرحمن عزیز ، اس پروگرام میں مرکزی وزیر مملکت برائے سوشل جسٹس اینڈامپاورمنٹ رام داس اٹھاولے نے بھی شرکت کی ۔

Paigam Madre Watan

جاپان کے فوکوکا شہر اور دہلی کے درمیان دوستی کے تبادلے کے معاہدے میں تین سال کی توسیع: اروند کیجریوال

Paigam Madre Watan

Leave a Comment