حیدرآباد،مولانا آزاد نیشنل اردو یونیورسٹی کے رجسٹرار پروفیسر اشتیاق احمد نے یونیورسٹی بوائز اور گرلز ہاسٹلس کے طلبہ کے لیے انٹر ہاسٹل کھیل کود ، ادبی و ثقافتی مقابلوں کا افتتاح انجام دیا۔افتتاحی مقابلہ 100 میٹر دوڑ کا منعقد کیا گیا۔
بوائز اور گرلز ہاسٹلس کے پرووسٹ ڈاکٹر محمد یوسف خان اور ڈاکٹر ثمینہ باسو کی اطلاع کے مطابق سال 2024ء کے یہ مقابلے جات 20؍ فروری سے 3؍ مارچ تک جاری رہیں گے۔ ان مقابلوں کے ضمن میں 25؍ فروری کو خاص طور پر جسمانی معذور طلبہ کے لیے کرکٹ کا میاچ منعقد کیا گیا۔ اس میاچ میں جسمانی معذور طلبہ نے کھیل کا دلچسپ مظاہرہ پیش کیا۔ پروفیسر عین الحسن، وائس چانسلر، پروفیسر اشتیاق احمد، رجسٹرا اور ڈین اسٹوڈنٹ ویلفیئر پروفیسر علیم اشرف جائسی نے ان طلبہ کے خاص مظاہرہ کو سراہا اور جسمانی معذور طلبہ کی ہمت افزائی کے لیے خصوصی انعامات کا اعلان کیا۔
